சொற்களின் வேறுபாடு - 1

[Admin]

ஓர் எழுத்தை மாற்றி எழுதினால் அதன் அர்த்தமே மாறிவிடும். சிலர் அந்த வேறுபாடு அறியாமல் விடும் பிழைகள் பல.

இன்று சிலர் அறியாமல் விடும் சில சொற்களைப் பற்றி பார்ப்போம்.

தோல் :-
மனிதன், விலங்கு முதலியவற்றின் தசையின் மேல் உறைபோல் மூடியிருப்பது. (Skin) சருமம்.

உதாரணம் :
நெருப்புப் பட்ட இடத்தில் தோல் கருகிவிட்டது.

தோல் சீவிய உருளைக் கிழங்கு.

தோள் :-
மனித உடலில் கழுத்தின் இரு பக்கங்களிலும் நீண்டு அமைந்து கைகள் தொடங்கும் பகுதி. (Shoulder) தோள்பட்டை

உதாரணம் :
மூட்டையைத் தூக்கித் தோளில் வைத்துக்கொண்டார்.

அவன் அவளின் தோளைத் தொட்டான்.



உரை :
தெரிவித்தல்; கூறுதல்

உதாரணம்:
அவன் தனக்கு வேலை கிடைத்துவிட்டதாக அவளிடம் உரைத்தான்.

அந்த நல்ல செய்தியை அவனிடம் ஆர்வமாக உரைத்தாள்.

உறை :
கெட்டித் தன்மை அடைதல்; கெட்டியாதல்

உதாரணம்:
விபத்து நடந்த இடத்தில் இரத்தம் திட்டுத்திட்டாக உறைந்திருந்தது.

எவ்வளவு சொன்னாலும் உனக்கு உறைக்காதா?

இரவில் திடீரென்று கூக்குரல் சத்தம் கேட்டதும் பயத்தால் உறைந்துபோனான்.

அவன் உரைத்த செய்தியைக் கேட்டு அதிர்ந்து உறைந்து நின்றாள்.



எத்தனை :
எத்தனை என்பது எண்ணிக்கை சார்ந்தது.

உதாரணம்:
எத்தனை பேர் கலந்து கொண்டார்கள்?

எத்தனை மணிக்கு வருகிறாய்?

உனக்கு எத்தனை தடவை சொல்வது?

எத்துணை :
அளவு, ‌பருமன்‌, குணம்‌,‌ நிறம்‌ பற்றியது.

உதாரணம்:
அவர் எத்துணை
நல்லவர்‌?

இத்துணை அகலமா?

நீங்கள்‌ செய்வது எத்துணை நன்மை தெரியுமா?

எத்துணை அளவு உழைக்கிறோமோ, அத்துணை அளவு பயனுண்டு.

 

[Kalai karthi]

செம சகி

 

[Jacky]

Nice